ХОТ БАЙГУУЛАЛТЫН КАДАСТР
Хот байгуулалтын кадастрын цахим систем
https://urban.gov.mn/
“Хот байгуулалтын кадастр” гэж нутаг дэвсгэрийн ашиглалт, хүрээлэн буй орчны төлөв байдал, инженерийн шугам сүлжээний хангамжийн түвшин, барилга байгууламж, хүн амын амьдрах орчны чанарын тухай байр зүйн зураглал, мэдээллийн нэгдмэл санг хэлнэ.
Хот байгуулалтын кадастр нь хот байгуулалтын үйл ажиллагаа эрхлэх болон үл хөдлөх эд хөрөнгийн бүртгэл хийхэд зайлшгүй шаардлагатай мэдээлэл бүхий улсын сан юм. Хот байгуулалтын кадастрын цахим систем /www.urban.gov.mn/-ийг Газрын даргын 2020 оны А/137 дугаар тушаалаар 21 аймгийн хэмжээнд нэвтрүүлсэн.
Зураг 1. Хот байгуулалтын кадастрын цахим систем
Хот байгуулалтын кадастрын цахим систем /www.urban.gov.mn/-ийн олон нийтэд зориулсан НЭЭЛТТЭЙ МЭДЭЭЛЭЛ цэснээс иргэн, хуулийн этгээд цаг хугацаа, орон зайнаас үл хамааран барилга байгууламж, инженерийн болон нийгмийн дэд бүтэц, тохижилт, ногоон байгууламж, орон зайд суурилсан өгөгдөл мэдээллийг авах боломжтой болсон.
Зураг 2. Хот байгуулалтын кадастрын өгөгдөл мэдээлэл
Улсын хэмжээнд 500,000 гаруй барилгын мэдээллийн санг үүсгэн газар болон үл хөдлөх, эд хөрөнгийн нэгдсэн системийг байгуулж, хэрэглээнд нэвтрүүлснээр гурав болон дөрвөн /3d, 4d/ хэмжээст кадастрын мэдээллийн нэгдсэн системийг байгуулах суурь бүрдэх юм.
Хот байгуулалтын кадастрын цахим системд бүртгэгдсэн барилга, байгууламж, инженерийн шугам сүлжээний мэдээлэл /2024 оны байдлаар/
Зураг 4. Хот байгуулалтын кадастрын цахим систем
Архитектур төлөвлөлтийн даалгавар - 13869
Загвар зураг - 2539
Барилгын ажил эхлүүлэх үргэлжлүүлэх зөвшөөрөл - 1745
Тэг тэнхлэг – 1022
Байр зүйн гүйцэтгэлийн зураг - 1017
Барилга ашиглалтад оруулах комиссын дүгнэлт - 379
Барилга, байгууламжийн өгөгдөл мэдээлэл - 41759
Инженерийн шугам сүлжээний зурган мэдээлэл - 24287
Тохижилт, ногоон байгууламжийн зурган мэдээлэл - 12364
Нийгмийн дэд бүтцийн зурган мэдээлэл - 2105