“Аймгийн хэмжээнд 2030 он хүртэл 10,999,999 мод тарьж ургуулах зорилт дэвшүүлэн мод тарьж, ургуулах ажлыг цогц байдлаар төлөвлөн ажил хэрэг болгож байгааг” аймгийн Засаг дарга Ш.Идэрбаясгалан онцоллоо.

"Бүх нийтээр мод тарих үндэсний өдөр”-ийг жил бүр хавар, намрын улиралд зохион байгуулж ирсэн. Энэ жилийн хувьд Монгол Улсын Ерөнхийлөгчийн санаачилгаар "1 тэрбум мод" тарих үндэсний хөдөлгөөний нээлт болж байгаагаараа онцлог болж байна.

Манай аймгийн хувьд 2021-2025 он хүртэл аймгаа хөгжүүлэх үндсэн чиглэл болон аймгийн Засаг даргын үйл ажиллагааны хөтөлбөрт “Ногоон суварга босгоё” аяныг тусган хэрэгжүүлж эхлээд байгаа ба өнөөдөр төрийн байгууллагууд “Ногоон суварга босгоё” аянд нэгдэж байгууллага бүр мод тарилаа. Та ч гэсэн мод тарьж “Ногоон суварга босгоё” аянд нэгдээрэй.